2022 هلت يامصراويه

2022 هلت بامصراويه
نفسك فى ايه ياعنيه

المعنى كويس واصبر عليه
عايز لقمه هنيه وهدمه مكويه
غطا تدفى برد الشتويه
دوا لمرض عمال يلعب بيه
وكرسى فى قطر وباص ومعديه
مدارس عادى وقوميه
سيبك من هجص الدوليه
وسقف يسترنى انا وهو وهى
ياريت عين حمرا تثبت الحراميه
وقطع رقبة العالم المرتشيه
دعم عاجل للفول والطعميه
والرحمه ياخلق لمية الحنفيه
وكسر سنة الفاتوره الكهربيه
لموا الشباب من الكافيتيريا
والكيف والبلاوى المخبيه
انسفوا اعلام المطبلاتيه
مطرب ومطربه عايزين تربيه ورقاصه غازيه متعريه
مذيع بيقبض من السعوديه
كلامه فاضح واسرار جنسيه
اعدلوا حال الثقافه المتنيه
حطوا للمسن كفاله حتميه ضايفو مريض السرطان وكل المستعصيه
فكوا حالا المجالس النيابيه
والنقابات العره فنيه كانت و مهنيه
واتحادات النصب والشلليه
ضبط الشوارع من البلطجيه
ضىرايبكم فرملوها شويه
زودوها على نفخ الشفايف المسرحيه والهنوش الطريه
كده كفايه وندخل على الجد ياعنيه
نفسى فى لقاءات شعبيه. حقيقى منى عينى شعبيه
فيها الرئيس و التنفيذيه
فى خيمه تساع مليون وميه
فيها الكلام ينساب بحريه
والصوت عالى والملكه مدويه
نفهم ونسمع بودان صاغيه
لاقاعات فخمه ولاخلق منشيه
مفيش منهم فائده ولا اهميه
الشعب بس. ياريس.هو اللى عليه العين والنيه
فى الامن والامان والتنميه
اسمعونى مره ..مره واحده يافنديه
كل سنه ومصر شابه وقويه
محميه من كل الجهات الاصليه
انا قلت كل اللى عليه
والحل فى ايديكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى