رسالة إلى الرئيس

 

سيادة الرئيس عبد الفتاح
من العبد لله موسى محمد عيسى
مواطن مش عايز لمصر الا النجاح

ياريس…عاملين يضغطوا بالفلوس يشتروا جرانين وتلفزيونات وكمان وزراء ونواب

كله ليه علشان يوقعوك يقتلوك يخلصوا منك
ماهو انت عملت فيهم اللى محدش عمله

مش حبنسوها لك ياريس
لكن خلينا نتكلم بالعقل
همه عايزين ايه؟

تفتح السجون وتطلع المجرمين وتوقف المحاكمات والتحقيقات..لأنك ظالم وهمه ابرياء
ماشى ياعم ريحهم وأعملها

خلى البلاد تتملى بالمجرمين زى ماحصل قبل كده
احنا نسينا السرقه وقطع الطرق وخطف العيال والعربات..معلش ماهو حق انسان

وقف كل اللى بتعمله من مزارع ومصانع وطرق وكبلرى ومواصلات وغرقهم بالاكل والشرب البلوشى ماهو ده حق الإنسان

متوجعش دماغك تدور لهم على فرص عمل كريمه وسيبهم يدوروا بنفسهم ماهى حرية وحق انسان يعمل اللى عايزه

و كمان وقف القرشين اللى بتصرفهم على العلاج والدواء..انت خلصت على فيروس سي…اللى كان بينهش فى جتتهم…ايه اللى نابك…قلة ادب وسفالة

شاغل بالك ومعاك وزراء اساتذه علشان تصلح التعليم مين قال لحضرتك همه عايزين تعليم همه عايزين يطلعوا مظاهرات ويشتموك فى النقابات والجرانين والقنوات…ويروحوا يضربوا لهم نفسين ويناموا للظهر ماهو ده حق الإنسان

حضرتك والحكومه سبع سنين مش ساكتين علشان البلطجى بتاع اثيوبيا يختشى على دمه وميقربش من مية النيل…ياطيب سيبها تخرب المهم انهم هنايتكلموا بحريه وقلة ادب وبلاها ميه يشربوا شويبس المهم حق الانسان

قولى حضرتك…ايه فائدة يبقى عندنا فلوس متوفره دولارات علشان ماننكشفش ولا حد يخوفنا…همه ميهمهمش لأنهم مخ يوك..اهم شئ تسيبهم كلاب سعرانه..فى الشوارع والحارات ما دى هى حرية وحقوق الإنسان

صواريخ وطيارات وبوارج غواصات اشكال والوان وجيش وشرطه حافظين للأمن والأمان. تفتكر ده عاجبهم… ؟ولا على بالهم طول ما فى حساب شديد على كلامهم وأفعالهم وقلة ادبهم..ماهو ده فجر الإنسان وحريه بلا حساب

سيبهم ياريس الذكر يتجوز دكر والمره تعاشر مره ينبسطوا ويحلفوا بحياتك ماهى دى حقوق الإنسان

سيبهم يسبوا الخالق استغفر الله ويشتموا وينكروا كل الأديان ويتمسخروا من الشيخ والانبا والاحبار واوعه تضايقهم…دى حقوق وحرية انسان

اعمل زي ما عمل اللى قبلك…يس سير… وخلى التراب تحت السجاده وسيبهم يتسلوا ويتهنوا فى كل مكان بفجور وعقوق الإنسان ترتاح ويرتاحوا

لكن ابدا انك تعمل كده..ده انت اقوى واكبر وأعظم من كل أعداء الوطن…واحنا جربناك وعارفينك… أضرب أضرب واحنا معاك روحا ودما وانت عرفتنا وعرفنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى