تحدى القانون…. ودموع المحروسه

اتفاخر بما تحقق فى بلدى وقد ظلت مرفوعة الراس قوية شامخه رغم الكوارث المفاجئه..
كورونا ..انهيار مالى عالمى اوكرانيا السودان جنوبا ليبياغربا غزه شرقا واطماع الغاز شمالا التحرش الحبشى ماءا والاعيب الدولار…
ولكن
أبكى كثيرا عندما أرى التوكتوك…والاعتداء على
الارصفه… المرور المتدهور
وتحدى التجار للحكومه بلا خجل..
البيضة ب ٦جنيه وأصغر سندوتش فول او طعميه ب ٧ ج والبطيخه الكيلو ب ١٥ج والرغيف بقى لقمتين ب ٢ج والبن التراب الكيلو ب ٤٥٠ج واللحمه هجرها القوم قسرا والفراخ يباع الاجنحه ب ٨٠ ج الكيلو
ونجيب بك ساويرس يبيع متر السكن متشطب ب ميتين الف جنيه والحجز عنده بالواسطة
وكارفور عارض موز مستورد وتفاح شرحه الكيلو يلامس ١٠٠ ج
يصيبني الغثيان واهرتل كما يهرتل أبناء مبارك..بتوع آسفين ياريس او أحفاد الاقطاع وعصر الملكيه
المخزي وسخافتهم حزنا على ملك مصر والسودان الفاجر

تتضارب الاحاسيس ولكن يبقى خوف على بلدى وأمل في تطهير عاجل بدكتاتورية
عادله..
.تعدل المقلوب
وتادب الفاجر…
كرباج وعين حمرا
تمسح دموعك
ياحبيبتى يامصر