اوكرانيا…والحدود…أصل الحكاية..
عندما قامت الثورة البلشفية على حكم القيصر في روسيا سنة ١٩١٧… لم تكن اوكرانيا جزء من روسيا لكنها كانت جارة مهمة لها… ولذلك قرر فلاديمير لينين الزعيم الروسي غزو اوكرانيا وضمها للاتحاد السوفيتي سنة ١٩٢٢… نعم منذ ١٠٠ سنة بالتمام..
أهمية اوكرانيا لروسيا بتتمثل في حاجات كتيرة اوي…اهمها انها جزء من الحدود الاستراتيجية لروسيا من الغرب…امكانياتها الاقتصادية في الزراعة والطاقة…و الأهم انها طريق روسيا للمياه الدافئة…
الازمة بين روسيا والغرب بدأت مع انتهاء الحرب العالمية التانية عندما بدأ الصراع بين الاتحاد السوفيتي وامريكا على قيادة العالم ولأيهما السيطرة ومناطق النفوذ.. وتكون معسكرين… وكل معسكر كون حلف عسكري…
حلف الناتو بقيادة أمريكا
وحلف وارسو بقيادة الاتحاد السوفيتي…
وكل حلف كان يحاول ضم اعضاء وحلفاء جدد…..
الناتو اخد أوروبا الغربية كلها ووارسو اخد أوروبا الشرقية كلها…ده غير حلفاء كل حلف في بقاع العالم….
واستمر الحال على هذا الشكل لحد ما بدأ تحلل الاشتراكية في العالم من سنة ١٩٨٨ …
بدأت بثورة الشباب في ميدان تيانمين في الصين سنة ١٩٨٨..لكن الصين قضت عليها واصرت على حماية الدولة ونجحت.
انهيار سور برلين سنة ١٩٨٩ اللي قسم ألمانيا شرقية وعربية بعد الحرب العالمية التانية
انهيار الاتحاد السوفيتي سنة ١٩٩١ وإصرار معظم جمهورياته على الاستقلال واندلاع حروب كتيرة…
ايوه…أمريكا دعمت كل الحروب في أوروبا الشرقية اللي كانت خاضعة لموسكو لضمان ان روسيا ما تقومش لها قائمة تانية…. كان منها الشيشان على سبيل المثال باسم الإسلام بينما الباطن بترول الجمهورية الروسية…. ومن سنة ١٩٩٧ بدأت أمريكا في منح دول كانت خاضعة لنفوذ الاتحاد السوفيتي عضوية الناتو….بولندا والمجر والتشيك و ليتوانيا ولاتفيا وبلغاريا ورومانيا وسلوفانيا…ده غير تحالف دول تانية زي البوسنة والجبل الأسود…
روسيا كانت ضعيفة جدا بعد تفكك اتحادها في التسعينيات…كانت منهارة اقتصاديا وسياسيا ومتحاوطة بحرب ارهاب… لحد ما جه ظابط مخابرات من طراز تقيل وأصبح رئيس وزراء لها سنة ٩٧…اسمه فلاديمير بوتين….وقضى على ارهاب الشيشان اللي كان مدعوم من تركيا وقطر( ايوه) وتولى الرئاسة في 2000 وبدأ في إصلاح روسيا… كل ده والغرب عينه على بقية الجمهوريات السوفيتية….اوكرانيا وجورجيا…وروسيا ما كانتش مطمنة بتمدد حلف الناتو على حدودها…واتعقدت الازمة في ٢٠٠٨ لما قامت حرب بين روسيا و جورجيا اللي كانت بتسعى للانضمام…ورفضت روسيا….
وفي ٢٠١٤ اندلعت مظاهرات في اوكرانيا اطاحت برئيسها الموالي لموسكو يانكوفيتش ودعمت أمريكا والناتو المظاهرات رغم كونه منتخب….روسيا في غضون ايام أعلنت ضم جزيرة القرم لها باستفتاء رسمي…لان الأسطول الروسي موجود في البحر الاسود اللي تطل عليه الجزيرة….(ياروح ما بعدك روح…)من يومها والعقوبات بتتفرض على موسكو اللي أعلنت ان امنها اهم من اي علاقة…ومن يومها والغرب بيدفع اوكرانيا لمواجهة الروس بوعد انه حيأمنها… وروسيا على مدى ٨ سنين بتقولهم بلاش….اوكرانيا خط أحمر…. لحد ما كان إعلان روسيا الاعتراف بجمهوريتين استقلوا عن اوكرانيا وكانوا جزء منها وهما دونيستيك و لوجانيسك… وبعدها اجتاحت اوكرانيا مع تزايد استفزاز الحلف لامنها…
العلاقات متعقدة مع أوروبا…اللي بتاخد ٤٩ % من احتياجاتها من الغاز من روسيا…اللي ما عندهاش جيوش حقيقية بإستثناء فرنسا….اللي معتمدة على أمريكا في حمايتها….
تركيا كالعادة على كل وش….شجبت من ناحية الغزو…ورفضت اغلاق مضيق البسفور والدردنيل في وش روسيا من ناحية تانية…مصالح…كما الحال مع إسرائيل المتعايشة مع روسيا في مصالح كتير اهمها سوريا…
استخدام العقوبات ورقة محروقة روسيا دولة قوية لدول كتير مصالح معاها…حتى لو طلعوها من نظام السويفت(اللي هو نظام ربط البنوك العالمية مع بعضها للتحويلات والاستثمار) روسيا عاملة نظام بنكي يحميها وما يقدروش يخرجوها….حياخدوا الغاز ازاي….
روسيا بتحمي حدودها الاسترتيجية…اللي مافيهاش هزار
ولو في حد في ايده وقف العمليات العسكرية في اوكرانيا … فهي امريكا نفسها و حلف الناتو لو اعلنوا ببساطة تحييد اوكرانيا وعدم ضمها للناتو ..
