العجب العجاب كلام للنواب… خدوا القرار الصواب

العجب العجاب
كلام للنواب…
خدوا القرار الصواب

فى يوم من الايام كان عندنا وزير تعليم حاصل على كل مانحلم به من شهادات

من جامعات عالميه وخبره فى اهم منظمات العالم التعليميه خبره فى تطوير التعليم فى الدول الناميه والنايمه..

صارع أعداء التطوير بشجاعه وضراوه.. وتحمل ما لا يستطيع شمشون تحمله من انتقاد الجهلاء. وبذاءة عديمى الخلق وتطاول من كان التعليم لهم سبوبه فى السناتر

والنتيجه الرضوخ للغوغاء والاستغناء عن الخبير العالمى الذى اختطفته عشرات من المؤسسات الدوليه المنوطه بتطوير التعليم عالميا بعد ٢٤ ساعه من الباي باي

وياحسره تقدم لنا الحكومه الجديده وزيرا للتعليم..عن خبرته العمليه ومؤهلاته العلميه وما لديه من شهادات يبدو أنها موضع الشبهات

وأهم مؤهلاته الموثقه انه من عائله تمتلك مدارس خاصه ناجحه…هكذا تقول أوراق ومستندات الاختياركما تداوله المنصاتمؤخرا وبضراوه

طيب حتعمل ايه ياطيب
مين الطيب ده؟

الطيب ده هو انا وانت واللى بالى بالك
اللى عارف دبة النمله

لك لها يابلدي
بيقولوا اللى بناكي كان حلواني
اشك فى ذلك.. بامعان
لان اللى بيحصل بالبرهان
يؤكد انه كان بتاع عسليه عليها دبان