الحكومه الرشيده الدلوعه

بقلم م. محسن الشريف

الحكومه الرشيده الدلوعه

والله العظيم..
سبب شقاء الشعب المصري من غلاء الأسعار هى الحكومه

الحكومه بتستسهل وهب مفيش قدامها غير ترفع الأسعار..

خلى بالك هى اللى بتغلط..
ترفع سعر الكهرباء
والماء
والمواصلات
وكل الرسوم المدنيه
والادويه….

فورا تكلفة الإنتاج ترتفع..المنتجين مش ملايكه ولا فلوسهم كلها زكاة مال

لا ياطيب حيرفعوا
سعر المنتج وايه كمان؟
الحكومه حكمت الدولار لكن برضه مش قايمه بالواجب
و المستورد برضه بيدفع فى الأخضر الملعون اكتر من تمنه

كده المستورد..هايج والسبب الحكومه والحاجات المستورده تمثل ٦٠%

يبقى مهما نلف وندور حنوصل لسبب واحد الحكومه هى السبب فى ٧٥%من اسباب الغلاء وجشع التجار بيمثل ٢٥%.

لا لا استنى..برضه دى مسئولية الحكومه لأنها لا تراقب ولا ترغم إنما تتفرج مكسوفه ولما حد يزعق لها تزعل وترد بدلع ماهو احنا اقتصاد حر… يوه هو انا اقدر العب فيه صندوق النقد مجرم يبهدلنى.ده مبيرحمش

وصلنا اخر الخط..الحكومه هى المشكله ولا يمكن أن تكون هى الحل

نام يامواطن واتغطى حتى فى الحر اللى وصل إلى ٤٥ درجه فى الضل
هو ده بس اللى مش غلطة الحكومه الجو المولع

زر الذهاب إلى الأعلى